Skipt um jarðveg í bílastæði Staðarholts

Skipt var um jarðveg í bílastæði við Staðarholt í Hofi fyrir stuttu. Bílastæðið var auk þess stækkað til muna svo nú er hægt að leggja þar mörgum bílum þegar mikið er um að vera í Staðarholti. Það er Kvenfélagið sem stendur fyrir framkvæmdunum og það stóð á sínum tíma fyrir uppbyggingu þessa húss sem notað var fyrir Hofsböll hér forðum daga.

Ekki stendur til að sögn Kvenfélagsins að endurvekja Hofsböllin.